Адна з вяліках праблем жанчын – тое, што мы недастаткова гаворым пра грошы і клапоцімся пра ўласны фінансавы дабрабыт. І тады абавязкова надыходзіць момант, калі даводзіцца шкадаваць пра гэта і апасацца, што ўжо позна нешта змяняць.
Ёсць і іншыя жанчыны, якія здзяйснялі фінансавыя памылкі і спрабуюць знайсці свой шлях у каламутных фінансавых водах, але не заўсёды атрымліваюць неабходную падтрымку і заахвочванне.
Запрашаем на чарговы майстар-клас для жанчын, які абдываецца ў межах праграмы “ByWomen Accelerator”.
Мы паразважаем пра тое:
- калі наступіць лепшы час, каб жыць, і каб інвеставаць
- у чым сэнс інвестыцый па-жаночаму
- якія ёсць рызыкі і магчымасці ў інвеставанні
- з чаго лепш пачаць і чаму
- куды потым рухацца
- абмяркуем паспяховыя і правальныя кейсы і стратэгіі.
Калі: 15 лютага ў 11.00 па Варшаве
Працягласць: 2 гадзіны.
Экспертка:
Таццяна Сафонава
Верыць у ідэю жаночага супрацоўніцтва і сястрынства.
Збірае жаночыя сняданкі ў Варшаве, дзе дзяўчаты знаёмяцца, дзеляцца думкамі і ідэямі, і ствараюць свае калабарацыі.
Адзін з любімых напрамкаў дзейнасці – фінансы і інвеставанне.
Таццяна ўпэўнена, што жанчыны любога ўзросту павінны цвёрда стаяць на ўласных нагах.
Як зарэгістравацца?
Запоўніце да 14 лютага форму заяўкі і мы дашлем вам спасылку для ўдзелу ў майстар-класе.
Сачыце за нашымі абвесткамі:
https://www.facebook.com/ifae.live.by
https://www.linkedin.com/company/international-foundation-for-adult-education/
https://www.instagram.com/ifae.live/
Што такое ByWoman Accelerator?
Гэта праграма, скіраваная на развіццё патэнцыялу і пашырэнне магчымасцей беларускіх жанчын і дзяўчат, якія былі вымушаны пакінуць Беларусь.
У межах праграмы адбываюцца афлайн сустрэчы і індывідульныя ментарскія кансультацыі па пытаннях распрацоўкі і прасоўвання ўласных праектаў, працы ў камандзе, уласнага брэнда, пошуку магчымасцяў фінансавання, прававых аспектах стварэння сваёй справы і г.д.
Хто арганізатары ByWomen Акселератара?
Міжнародны фонд развіцця адукацыі дарослых (Польшча), заснаваны людзьмі з вялікім досведам грамадска-карыснай працы ў Беларусі.
Гэты праект здзяйсняецца пры падтрымцы Амбасады Канады ў Польшчы праз Канадскі фонд мясцовых ініцыятыў.