IFAE MediaJam–2026
сустрэча, якая збірае сваіх
Калі вам не хапала жывых сустрэч, размоў пра медыя без пафасу, абмену ідэямі, падтрымкі і адчування, што вы «сярод сваіх» — у нас ёсць добрая навіна.
Распачынаем набор на IFAE MediaJam–2026 — інтэграцыйна-адукацыйную сустрэчу для выпускнікоў і ўдзельнікаў медыйных і іншых адукацыйных праграм IFAE.
Тры дні навучання, абмену досведам, эксперыментаў і проста нармальнай чалавечай камунікацыі. У прыгожым месцы, з музычным аздабленнем.
Тры галоўныя інгрыдыенты
Кароткія фарматы ў журналістыцы
Разбіраемся ў анатоміі кароткіх ролікаў: чым адрозніваюцца ад звычайнага відэа, як працуюць алгарытмы платформаў, з чаго складаюцца шортсы і рылсы, як выкарыстоўваць іх у журналістыцы. Трэнды, вірусасць, AI-інструменты, тыповыя памылкі і карысныя кейсы.
Lead Social Media Manager, якая ператварае навінавы хаос у гатовыя рылсы. 7+ гадоў вопыту на рынках ЗША, ЕС і СНД: кантэнт-планы, сцэнарыі, кароткі відэакантэнт і AI-аўтаматызацыя.
Як зберагчы псіхічнае здароўе ў часы суцэльнага стрэсу
Сучасныя выклікі працы ў медыя, якія ўплываюць на якасць жыцця. Як дапамагчы сабе захаваць раўнавагу і паклапаціцца пра сваю псіхалагічную бяспеку? Што дапаможа матывацыі і эфектыўнай працы?
Не прыдумляем нанова ровар, а вучымся на ім ездзіць. А таксама сесія Fuckup & Success Stories — абмен досведам па законах «сасновага клубу»: што было ў клубе, застаецца ў клубе.
У прафесіі больш за 20 гадоў. Працуе з цяжкімі тэмамі, развіваецца ў навуковай журналістыцы, псіхаактывістка, даследчыца. Былая палітзняволеная, якая вярнулася ў журналістыку.
Прафесійныя стандарты журналістыкі: ці ўсё з імі так?
Ці працуюць «старыя» журналісцкія правілы ў эпоху TikTok, AI і Telegram? Дзе мяжа паміж хуткасцю і якасцю? Што сёння насамрэч робіць медыя прафесійным?
Інфармацыя пра мадэратара будзе дададзена пазней.
Не толькі сесіі
Вечар гісторый
Кароткія жывыя выступы пра поспехі, правалы і гісторыі, якія навучылі больш за любыя курсы. Без афіцыёзу, з гумарам і самаіроніяй.
Майстар-класы ад удзельнікаў
Кожны можа прапанаваць уласны майстар-клас да 30 хвілін — карысны інструмент, працоўны лайфхак, кейс ці практыку.
Музычная вечарына
Музыка ад беларускага дзі-джэя, нефармальныя размовы і час проста пабыць разам. Бо супольнасць будуецца не толькі праз заняткі.
Сем прычын даехаць да Варшавы
→ Сустрэць людзей, з якімі вы ўжо вучыліся і працавалі
→ Пашырыць сваю медыйную сетку кантактаў
→ Атрымаць новыя практычныя ўменні
→ Абмяняцца ідэямі
→ Перазагрузіцца пасля складанага сезона
→ Атрымаць натхненне і падтрымку
→ Стаць часткай жывой беларускай медыйнай супольнасці
Выпускнікі праграм IFAE
Практычныя ўмовы
Пражыванне — у двухпакаёвых нумарах
Харчаванне — поўнае
Праезд — у памеры не больш за 50 €