Запрашаем у Школу адукатараў
Шукаем 16 беларускіх адукатараў/адукатарак, якія працуюць/плануюць працаваць з дарослымі, гатовыя стварыць уласную адукацыйную праграму для людзей 55+, а потым адразу апрабаваць яе са слухачамі і апублікаваць.
Прыязджайце з ідэяй — ад’язджайце з праграмай
Запрашаем адукатараў/адукатарак, якія вядуць/плануюць весці заняткі для беларусаў у эміграцыі або анлайн — у тым ліку для тых, хто застаецца ў Беларусі
Асабліва чакаем тых, каму цікава працаваць з людзьмі ва ўзросце 55+.
Будзем радыя бачыць тых, хто:
- мае досвед выкладання, трэнерскай працы або распрацоўкі адукацыйных праграм;
- мае ідэю ўласнай праграмы або курса для дарослых;
- гатовы распрацаваць канцэпцыю праграмы, асобныя заняткі ў яе межах і правесці на практыцы — афлайн (на базе Беларускага Універсітэту Залатога Веку (uzv.ifae.live) або анлайн (на базе Віртуальнага Універсітэту (virtualny.live);
- гатовы падзяліцца распрацаванымі праграмай і заняткамі з іншымі адукатарамі;
- можа ўдзельнічаць ва ўсіх этапах праекта — ад Школы да практычнай апрабацыі распрацаваных заняткаў і ўдзелу ў варкшопе па выніках апрабацыі і падсумаваўчай сустрэчы.
Каб у беларусаў было больш якасных праграм навучання на працягу жыцця — і каб іх стваралі тыя, хто ведае сваю справу і робіць яе прафесійна
Школа дапаможа ўдзельнікам развіць кампетэнцыі ў распрацоўцы праграм і правядзенні заняткаў для дарослых і сталых людзей.
На выхадзе — удасканаленыя адукатарскія кампетэнцыі, новыя прафесійныя сувязі.
А яшчэ — распрацаваныя адукацыйныя праграмы і інтэрактыўныя заняткі ў фармаце мікранавучання, якія пройдуць апрабацыю і будуць апублікаваныя ў адкрытым доступе.
Перавагу пры адборы атрымаюць ідэі праграм у двух напрамках
Актыўнае грамадзянства
правы чалавека, дэмакратыя, грамадзянскі ўдзел, крытычнае мысленне, гістарычная памяць, устойлівае развіццё.
Граматнасць і функцыянальныя навыкі
прававая, фінансавая, лічбавая, моўная і грамадзянская граматнасць, інфармацыйная бяспека.
Інтэнсіўная праца над уласнай праграмай
Прыязджаеце з ідэяй — ад’язджаеце з прататыпам праграмы і асобных заняткаў для дарослых і сталых людзей.
Працуем інтэрактыўна: малыя групы, кейсы, практычныя заданні, узаемная ацэнка.
Андрагогіка і навучанне 55+
як вучацца сталыя людзі і якія іх асаблівасці трэба ўлічваць
Кампетэнтнасны падыход
развіваем кампетэнцыі, без якіх адукатарам аніяк не абысціся
Навучальны план
укладаем усё ў зразумелую структуру
Метадалогія
узбагачаем сваю скарбонку метадаў трэнерскай працы
Анлайн, афлайн, змяшана
засвойваем асновы digital teaching для розных фарматаў
Мікранавучанне
вучымся ствараць кароткія інтэрактыўныя анлайн-заняткі
Інструменты ацэнкі
як праверыць, што навучанне спрацавала
Падрыхтоўка да апрабацыі
план працы з ментарамі і падрыхтоўка да правядзення заняткаў
Заняткі Школы праводзяць дасведчаныя трэнеры з больш як 25-гадовым досведам трэнерскай працы, а таксама рэалізацыі ўласных мясцовых, нацыянальных і міжнародных адукацыйных праграм у Беларусі, Польшчы і іншых краінах.
Школа — толькі пачатак
Ментарынг
Індывідуальныя сесіі з дасведчаным ментарам: удакладняем структуру праграмы, паляпшаем матэрыялы, адаптуем іх для анлайн-, афлайн- і змяшанага фармату навучання.
Апрабацыя заняткаў з рэальнымі слухачамі
Кожны выпускнік/выпускніца Школы праводзіць не менш за два заняткі (60–90 хв. кожны) — у Беларускім Універсітэце Залатога Веку або анлайн у Віртуальным універсітэце.
Воркшоп «Майстэрня адукатараў»
Выпускнікі Школы, ментары і эксперты сустракаюцца зноў: прэзентуем вынікі апрабацыі заняткаў, разбіраем выклікі, дзелімся добрымі практыкамі, каб удасканаліць змест праграм і структуру заняткаў у іх межах.
Публікацыя ў адкрытым доступе
Усе 8 праграм і сцэнары правядзення 32 заняткаў у межах гэтых праграм публікуюцца як адкрытыя адукацыйныя рэсурсы на сайце IFAE — каб іх маглі выкарыстоўваць іншыя беларускія арганізацыі ў Еўропе і ў Беларусі.
Фінальная сустрэча Lifelong Learning Open Space
Выпускнікі Школы, прадстаўнікі беларускіх адукацыйных арганізацый і эксперты ў галіне адукацыі дарослых прэзентуюць вынікі праекта, абменьваюцца досведам апрабацыі і разам шукаюць новыя ідэі і формы супрацы — каб умацаваць незалежную беларускую адукацыю на працягу жыцця ў эміграцыі і ў Беларусі.
Больш, чым навучанне
Адразу апрабаваць сваю праграму
Не трэба шукаць пляцоўку і аўдыторыю: на вашыя заняткі прыйдуць ўдзельнікі ў чатырох гарадах Польшчы і анлайн.
Досвед анлайн і афлайн
Пашыраеце практыку працы з дарослымі людзьмі — і ў аўдыторыі, і на лічбавых платформах.
Новыя веды і ўменні
Андрагогіка, кампетэнтнасны дызайн, мікранавучанне, змяшаныя фарматы, ацэнка — у практыцы, а не ў тэорыі.
Рэкамендацыі і сертыфікаты арганізатараў
Выпускнікі, якія прайшлі ўсе этапы, атрымаюць рэкамендацыі і сертыфікаты ад арганізатараў Школы.
Кола прафесійных кантактаў
Далучаецеся да супольнасці беларускіх адукатараў, ментараў і адукацыйных арганізацый у Еўропе.
Ваша праграма — у адкрытым доступе
Распрацаваная праграма і заняткі ў фармаце мікранавучання будуць апублікаваныя і даступныя іншым адукатарам і арганізацыям.
Запоўніце анлайн-форму да 25 кастрычніка
У форме раскажыце пра сябе і свой досвед, чаму хочаце далучыцца, апішыце папярэднюю ідэю адукацыйнай праграмы, яе тэматычны напрамак, падцвердзіце гатоўнасць браць удзел ва ўсіх этапах праекта.
Мы звернем увагу на:
- досвед адукатарскай працы;
- адпаведнасць ідэі прыярытэтным тэматычным напрамкам;
- актуальнасць тэмы для дарослых людзей;
- гатоўнасць працаваць з навучэнцамі 55+;
- матывацыю распрацаваць і апрабаваць праграму;
- магчымасць удзельнічаць ва ўсіх этапах.